Уводзіны

У наш час усё больш увагі надаецца асяроддзю пражывання чалавека. Рост уздзеяння чалавека на навакольнае асяроддзе прывёў да таго, што ў шматлікіх гарадах людзі ўжо прывыклі бачыць тое, чым дыхаюць. Шырокае распаўсюджванне асабістага аўтатранспарту стварае мноства праблем для арганізацыі унутрыгарадскога трафіку.

Сучасны чалавек праводзіць вялікую колькасць часу ў аўтатранспартных заторах, у якіх аўтамабілі выхлапнымі газамі ствараюць спрыяльнае асяроддзе для развіцця хранічных рэспіраторных захворванняў, павольнае перасоўванні з хуткасцю смаўжа патрабуе павышанай увагі, верагоднасць спазніцца на працу ці важную сустрэчу павялічвае і без таго высокі ўзровень стрэсавай нагрузкі на арганізм.

Урады развітых краін ужо пачалі ўсведамляць цяжар сітуацыі і ўводзяць строгія экалагічныя нормы для аўтамабіляў, у цэнтрах гарадоў, перагружаных транспартам, уводзяцца розныя грашовыя зборы для абмежавання трафіку, распрацоўваюцца шматлікія праграмы падтрымкі альтэрнатыўных тыпаў транспарта. На дадзены момант адным з найболей перспектыўных кірункаў з'яўляецца развіццё электратранспарту.

У дадзенай он-лайн кнізе аўтар прадстаўляе чытачу магчымасць набыць неабходны мінімум ведаў у вобласці электрамабілебудавання. На старонках кнігі вы знойдзеце шмат інфармацыі пра гісторыю электрамабіляў, тэарэтычныя асновы электратранспарту, пазнаёміцеся з серыйнымі і самаробнымі электрамабілямі.